ქისი 2023

„ამოსა“ (Amosa) არის თანამედროვე ქართული ღვინის ბრენდი, რომელიც მიზნად ისახავს ქართული ღვინის ტრადიციული იდენტობის ახლებურ, თანამედროვე ინტერპრეტაციას. ბრენდის კონცეფცია ეფუძნება ღვინის გათავისუფლებას თავსმოხვეული სტერეოტიპებისგან და მასში მხოლოდ ნამდვილი, სუფთა ფასეულობების შენარჩუნებას. „ამოსა“ მომხმარებელს სთავაზობს მსუბუქ, დაბალანსებულ და ყოველდღიურ ცხოვრების წესთან მარტივად ინტეგრირებად ღვინოებს, რომლებიც იდეალურია თანამედროვე ადამიანებისთვის.

ბრენდი 2018–2019 წლებში დაარსდა თამარ მამისაშვილის მიერ. თამარი მეღვინეების ოჯახიდანაა — მამამისი კახეთში, ნაფარეულის მიკროზონაში, წლების განმავლობაში აწარმოებდა ტრადიციულ და მასიურ საექსპორტო ღვინოებს. მიუხედავად იმისა, რომ ოჯახური ტრადიციით საქმე უფროს ძმას უნდა გაეგრძელებინა, თამარმა გადაწყვიტა საკუთარი, განსხვავებული გზა აერჩია. მან შექმნა ახალი ხედვა, რომელიც აერთიანებს მამის მრავალწლიან გამოცდილებას და თანამედროვე ტექნოლოგიების შესაძლებლობებს. კომპანიამ საკუთარი ვენახები გააშენა ნაფარეულში, სადაც კახურ ჯიშებთან ერთად უნიკალური ქართლური ჯიში, შავკაპიტოც გააშენეს, რამაც ბრენდს კიდევ უფრო ექსკლუზიური ხელწერა შესძინა.