შატო სიღნაღი

ბრენდის ისტორია უკავშირდება სიყვარულისა და მეღვინეობის ქალაქ სიღნაღს, სადაც ვენახების გაშენება და ქვევრის ღვინის დაყენება საუკუნეების მანძილზე ხელოვნების დონეზე იყო აყვანილი. „შატო სიღნაღი“ დაარსდა იმ მიზნით, რომ გააცოცხლოს მივიწყებული კახური ტრადიციები. ჩვენი ვენახები გაშენებულია საგანგებოდ შერჩეულ მიკროზონებში, რაც განაპირობებს ყურძნის განსაკუთრებულ ორგანოლეპტიკურ თვისებებს. დღეს ბრენდი აწარმოებს როგორც ტრადიციულ ქვევრის, ისე კლასიკური მეთოდით დამზადებულ გამორჩეულ ღვინოებს, რომლებიც წარმატებით იყიდება როგორც ადგილობრივ, ისე საერთაშორისო ბაზარზე.