ავთანდილის მეღვინეობა

ბრენდი ოფიციალურად 2021 წელს ჩამოყალიბდა და ორიენტირებულია ადგილწარმოშობის ღვინოების შექმნაზე. მცირე საოჯახო წარმოება წლიურად 3,000–4,000 ბოთლს უშვებს, თუმცა ვენახების ეტაპობრივი გაშენებით წარმადობის გაზრდას 100 ტონამდე გეგმავს. ადგილობრივ ბაზართან ერთად მარანმა აქტიურად დაიწყო საექსპორტო არეალის გაფართოება ევროპაში (იტალია, გერმანია). ასორტიმენტშია: „წარაფი“, „ქვევრის რქაწითელი“, „საფერავი“, „ქვევრის ალადასტური“, „ალადასტური როზე“ და ბუნებრივად ტკბილი „გვიანი მოსავალი“.