მილდიანი

კომპანიის საქმიანობა ღვინის ექსპორტით დაიწყო, რასაც მცხეთაში საკუთარი ჩამოსასხმელი საწარმოსა და კერამიკის საამქროს აშენება მოჰყვა. „მილდიანი“ გახდა პირველი კომპანია პოსტსაბჭოთა საქართველოში, რომელმაც ღვინო კომერციული მიზნით თიხის ბოთლებში ჩამოასხა. მოგვიანებით წინანდალში აშენდა თანამედროვე იტალიური დანადგარებით აღჭურვილი ღვინის ქარხანა. აღსანიშნავია, რომ „მილდიანის“ 2002 წლის მოსავლის საფერავი იყო პირველი ქართული ღვინო, რომელმაც პოსტსაბჭოთა პერიოდში (2004 წელს პარიზის კონკურსზე Vinalies Internationales) ვერცხლის მედალი მოიპოვა.